Gjashtë persona kanë kërkuar tretman mjekësor në Spitalin Rajonal në Mitrovicë

Gjashtë persona kanë kërkuar tretman mjekësor në Spitalin Rajonal në Mitrovicë

Një aksident trafiku me të lënduar është raportuar të ketë ndodhur në pasditen e sotme në rrugën nacionale Mitrovicë-Prishtinë.

Të përfshira në aksident kanë qenë dy vetura, ku si pasojë lëndime kanë pësuar gjashtë persona të cilët kanë kërkuar tretman mjekësor në Spitalin Rajonal në Mitrovicë.

Aksidentin e ka konfirmuar zëdhënësi i Policisë së Kosovës për rajonin e Mitrovicës, Avni Zahiti i cili ka theksuar se aksidenti ka ndodhur rreth orës 18:00 në rrugën nacionale Mitrovicë-Prishtinë te segmenti rrugor në fshatin Shupkovc.

“Të përfshira në aksident janë dy vetura civile, ku si pasojë lëndime kanë pësuar gjashtë persona të cilët kanë kërkuar tretman mjekësor në Spitalin Rajonal në Mitrovicë. Nga hetimet e bëra në vendin e ngjarjes, shkaktar i aksidentit dyshohet të jetë mos mbajtja e distancës”, thotë Zahiti.