Warning: sprintf(): Too few arguments in /home/rtv21new/public_html/wp-content/themes/newsphere-pro/lib/breadcrumb-trail/inc/breadcrumbs.php on line 254

​Osmani kërkon mbështetje për anëtarësim e Kosovës në organizatat ndërkombëtare

1 min read

Presidentja e Kosovës, Vjosa Osmani, në vazhdën e takimeve në New York, ka takuar sot, kryeministrin e Federatës Shën Kits dhe Nevis, Terence Drew.

Sipas komunikatës së Presidencës, në takim është diskutuar për raportet bilaterale, thellimin e tyre dhe zhvillimet e përgjithshme në raport me përpjekjet e Kosovës për anëtarësim në organizata ndërkombëtare dhe sigurimin e njohjeve të reja.

Në këtë drejtim, Presidentja Osmani ka falënderuar Federatën Shën Kitts dhe Nevis për mbështetjen e deritashme të Kosovës dhe ka kërkuar që kjo mbështetje t’i jepet edhe për anëtarësim në organizatat ndërkombëtare, i cili mbetet prioritet shtetëror.

Më tej, Presidentja Osmani në takim me kryeministrin Drew, ka theksuar se Kosova është e interesuar t’i intensifikoj marrëdhëniet dypalëshe me Federatës Shën Kits dhe Nevis në fushat me interes të ndërsjellë, ndërmjet qytetarëve, bizneseve dhe institucioneve./21Media