​Ismet Beqiri merr zyrtarisht detyrën e zëvendësministrit të MKRS-së

Dumoshi gjatë takimit e njoftoi Beqirin për punën dhe programin që do të realizojë ministria për këtë vit

Ministrja e Kulturës, Rinisë dhe Sportit, Vlora Dumoshi, ka pritur sot në takim zëvendësministrin e MKRS-së, Ismet Beqiri, i cili zyrtarisht edhe ka pranuar këtë detyrë.

Dumoshi gjatë takimit e njoftoi zëvendësministrin Beqiri për punën dhe programin që do të realizojë ministria për këtë vit, si dhe planet e MKRS-së që synohen për t’u arrirë gjatë këtij mandati qeverisës.

Në takim u bisedua edhe për bashkërendimin dhe ndarjen e përgjegjësive që pritet t’i kenë në këtë bashkëpunim në kuadër të udhëheqjes së ministrisë.

Ministrja Dumoshi e informoi zëvendësministrin se përkundër sfidave që ka MKRS-ja në avancimin e fushave që mbulon, bashkërisht me një koordinim efikas do të përmbushen të gjitha objektivat.