Kuka: Shpresoj që edhe sot një javë të jetë një ditë e gëzueshme!
Driton Kuka është shprehur i lumtur më suksesin e xhudistëve kosovare
Trajneri i xhudistes kosovare, Majlinda Kelmendi, Driton Kuka është shprehur i lumtur me dy medaljet e fituara sot nga xhudistet kosovare në Kampionatin Evropian të Xhudos i cili u mbajt në Poloni.
“Majlinda e Nora përsëri me medalje nga Kampionati Evropian.Distria e pafat ishte sot por megjithatë një e artë një e bronztë një vend i 7 i Distrias.Nesër Akili e Loriana”, ka thënë Kuka.
Kuka po ashtu ka thënë se shpreson që sot një javë të jetë një ditë e gëzueshmë si sot dhe të lirohet Ramush Haradinaj nga Franca.
“Do Zoti i madh që sot një Javë të jetë ditë e gëzueshme si sot e të na kthehet Heroi ynë në Kosovë”, ka thënë Kuka.
Ndryshe sot xhudistja kosovare, Majlinda Kelmendi ka fituar medaljen e artë në Kampionatin Evropian të Xhudos i cili u mbajtë në Poloni.
Po ashtu me medalje nga ky kampionat është kthyer edhe xhudistja tjetër kosovare, Nora Gjakova e cila fitoi medaljen e bronztë./21Media