18 vjet nga masakra e Studimes së Vushtrrisë
Forcat serbe i vranë 116 civilë
Janë bërë 18 vjet që nga koha kur në Studime të Vushtrrisë forcat serbe vranë 116 persona civilë.
Më 2 maj të vitit 1999, brenda dy orëve ishin pushkatuar nga paramilitar serb 116 persona civil që ishin në kolonë për t’u shpërngulur në drejtim të Shqipërisë.
Për çdo vit në Studime të Vushtrrisë më 2 maj mblidhen familjarë dhe përkujtojnë të dashurit e tyre që atë mbrëmje të kobshme gjetën vdekjen, vetëm pse ishin shqiptar.
Forcat serbe i vranë para syve të familjarëve 116 vetë. Të vrarët ishin banorë të Studimes, Vushtrrisë dhe vendbanimeve të ndryshme të Kosovës.