Kosova shënon Ditën e të Pagjeturve

Kosova shënon Ditën e të Pagjeturve

Sot shënohet Dita Ndërkombëtare e Personave të Pagjetur ose të Zhdukur që kësaj radhe vjen me moton “20 vjet pritje, dhimbje dhe krenari”.

Për të kujtuar personat e zhdukur që nga koha e luftës në Kosovë, sot do të organizohen disa aktivitete.

Do të bëhen homazhe tek memoriali i personave të zhdukur para Kuvendit të Kosovës si dhe do të mbahet marshi për të pagjeturit në sheshet e Prishtinës duke filluar nga ora 09:00.

Gjithashtu, do të promovohet libri “Të jetosh më kujtimet e të pagjeturve” me rrëfimet e familjarëve të personave të pagjetur.

Gjatë luftës së fundit në Kosovë, u vranë më shumë se 13 mijë e 500 persona. 20 vjet pas përfundimit të kësaj lufte, ende nuk dihet për fatin e 1 mijë e 650 personave, të cilët konsiderohen të pagjetur./21Media