214 milionë gra ballafaqohen me pengesa sociale, ekonomike dhe gjeografike
303 mijë vdekjeve vjetore maternale
Me rastin e Ditës Botërore të Popullsisë, ushtruesja e detyrës së drejtorit ekzekutiv në Fondin për Popullsi të Kombeve të Bashkuara, Dr. Natalia Kanem ka theksuar se rreth 214 milionë grave në vendet në zhvillim, u mungojnë metodat e sigurta dhe efektive të planifikimit familjar.
Sipas saj, shumica e këtyre grave jetojnë në 69 vendet më të varfra, ku përmbushja e kërkesës së tyre të paplotësuar do të shpëtojë jetët duke shmangur shtatzënitë e padëshiruara prej 67 milionë dhe duke zvogëluar për një të tretën e 303 mijë vdekjeve vjetore maternale.
Mesazhi i plotë i Natalia Kanem:
Çdo ditë, gratë e vulnerabile, veçanërisht ato që janë të varfra dhe janë refugjatë, ballafaqohen me pengesa sociale, ekonomike dhe gjeografike për shërbimet dhe informacionin e planifikimit familjar vullnetar.
Pesëdhjetë vjet më parë, Sekretari i Përgjithshëm i Kombeve të Bashkuara në atë kohë themeloi UNFPA-në, Fondin për Popullsi të Kombeve të Bashkuara. Që nga viti 1969, kur UNFPA filloi punët, ai ka ndihmuar në heqjen e pengesave për planifikimin familjar dhe në aftësimin e grave për të ushtruar të drejtat e tyre riprodhuese. UNFPA kontribuoi në dyfishimin e përdorimit të kontraceptivëve modern në mbarë botën, nga 36 për qind në 1970 në 64 për qind në 2016.
Me gjithë përparimin dramatik, mbeten sfida të mëdha: rreth 214 milionë grave në vendet në zhvillim u mungojnë metoda të sigurta dhe efektive të planifikimit familjar. Shumica e këtyre grave jetojnë në 69 vendet më të varfra. Përmbushja e kërkesës së tyre të paplotësuar do të shpëtojë jetët duke shmangur shtatzënitë e padëshiruara prej 67 milionë dhe duke zvogëluar për një të tretën e 303,000 vdekjeve vjetore maternale.
Kujdesi më i mirë i shëndetit riprodhues, përfshirë planifikimin familjar vullnetar, mund të nxisë ekonomitë dhe të kontribuojë në zhvillimin e qëndrueshëm duke fuqizuar gratë për të përfunduar arsimin, për t’iu bashkangjitur fuqisë punëtore të paguar, për të qenë më produktive në vendet e punës, për të fituar të ardhura më të larta dhe për të rritur kursimet dhe investimet. Përveç kësaj, për çdo dollar shtesë të shpenzuar për shërbime kontraceptive mbi nivelin aktual, kostoja e kujdesit të lidhur me shtatzëninë zvogëlohet për 2,30 dollarë.
Investimet në planifikimin e familjes ndihmojnë drejt prosperitet për të gjithë.
Prandaj, planifikimi familjar është kritik për arritjen e Objektivit të parë të Zhvillimit të Qëndrueshëm, për t’i dhënë fund varfërisë. Është gjithashtu çelësi për arritjen e qëllimeve të tjera, si largimi i urisë, si dhe promovimi i shëndetit të mirë dhe barazisë gjinore.
UNFPA ka vendosur një qëllim ambicioz dhe transformues për të eliminuar të gjitha kërkesat e paplotësuara për planifikimin familjar deri në vitin 2030. Në këtë Ditë Botërore të Popullsisë, u bëjmë thirrje të gjitha qeverive dhe palëve të interesit që të ndihmojnë në arritjen e këtij qëllimi. UNFPA gjithashtu u bën thirrje 179 qeverive që miratuan Programin e Veprimit të Konferencës Ndërkombëtare për Popullsi dhe Zhvillim në Kajro 1994 për të përmbushur angazhimet e tyre për të arritur qasjen universale në shëndetin seksual dhe riprodhues, përfshirë planifikimin vullnetar të familjes. Jo vetëm që kjo është çështje e mbrojtjes së shëndetit dhe të drejtave, por është gjithashtu një çështje e investimit në zhvillimin ekonomik, si dhe prosperitetin dhe përparimin e njerëzimit.