Janë pranuar mbi 1 mijë e 400 ankesa të qytetarëve

Janë pranuar mbi 1 mijë e 400 ankesa të qytetarëve

Inspektorati Policor i Kosovës për një vit ka arrestuar 35 policë. Këto shifra janë prezantuar gjatë një konferencë përmbyllëse të këtij institucioni, ku ka marrë pjesë edhe ministri në detyrë i Punëve të Brendshme, Ekrem Mustafa.

Kryeshefja Ekzekutive e Inspektoratit Miradie Kelmendi tha se puna e tyrë është punë që nuk duket shumë në publik, por rritja e angazhimit dhe profesionalizmit ka bërë që këtë vit, arritjet dhe të jenë më të dukshme dhe të vlerësuara nga qytetarët dhe partnerët vendor dhe ndërkombëtar.

IPK gjatë këtij viti ka pranuar dhe administruar mbi 1 mijë e 400 ankesa të qytetarëve; ka trajtuar 279 raste penale në IPK; ka ngritur 64 kallëzime penale dhe 21 raporte të veçanta; ka arrestuar 35 punonjës policorë, ka janë suspenduar 64 punonjës policorë; janë transferuar 8 punonjës policorë; janë inspektuar 7 fusha të menaxhimit policor, nga të cilat kanë rezultuar rreth 70 rekomandime.