A mund të shpallë Putin luftë gjithëpërfshirëse?

Rusia thotë se është e pakuptimtë që do t’i shpallë luftë të gjithanshme Ukrainës në Ditën e Fitores.
Deri më tani Moska e ka mohuar se është në luftë, në vend të kësaj duke iu referuar pushtimit të Ukrainës si një “operacion special ushtarak”.
Por zyrtarët perëndimorë kanë thënë se presidenti Vladimir Putin mund ta përdorë paradën për të shpallur një përshkallëzim të aksionit ushtarak. Sigurisht, ai i mban letrat afër gjoksit dhe derisa të flasë në paradën në Sheshin e Kuq, ne duhet t’i marrim me pak kripë mohimet e Moskës, shkruan BBC.
Mos harroni, në ditët para pushtimit më 24 shkurt, zyrtarët rusë u vunë në radhë për të tallur sugjerimet për një pushtim të afërt si “histeri dhe propagandë perëndimore”. Megjithatë, ata pushtuan, duke kapur edhe shumë ukrainas në befasi, transmeton rtv21.tv.
Pra, më e pakta që mund të presim janë disa shpallje triumfuese të objektivave të arritura dhe armiqve (të vërtetë apo të imagjinuar) të mposhtur.
Faji për ritmin e ngadaltë të përparimit rus në Donbas ka të ngjarë të jetë mbi NATO-n dhe ndoshta do të ketë paralajmërime të mëtejshme për Perëndimin që të ndalojë së ndihmuari Ukrainën të mbrohet.
Çfarëdo që të ndodhë sot, është e vështirë të shohësh që kjo luftë të përfundojë së shpejti./21Media

Back to top button