Shpërndahen fondet e 20% për 11 ndërmarrje shoqërore

Shuma e fondeve që do të shpërndahen është 1,119,119,68 euro

Agjencia Kosovare e Privatizimi (AKP) ka përgatitur dokumentacionin përkatës për shpërndarjen e fondeve të 20% për 1.499 punëtorë të 11 ndërmarrjeve shoqërore.

Shuma e fondeve që do të shpërndahen është 1,119,119,68 euro. Bartja e këtyre fondeve do të bëhet në llogarinë e Bashkimit të Sindikatave të Pavarura të Kosovës (BSPK).

Agjencia deri më tani ka shpërndarë afër 122 milionë euro për 20% dhe nga këto shpërndarje kanë përfituar rreth 47.000 punëtorë dhe ish-punëtorë të ndërmarrjeve shoqërore.

Ndërkohë, AKP-ja është në proces të përgatitjes së dokumentacionit për shpërndarjen e fondeve të 20%-it për punëtorët e kualifikueshëm edhe për disa NSh të tjera, për çka opinioni do të informohet me kohë.

Në tabelën më poshtë gjeni emrat e 11 NSh-ve, për të cilat është kompletuar dokumentacioni për shpërndarje, shuma e fondeve në dispozicion për t’u shpërndarë me numrin e punëtorëve përfitues, ndërsa shpërndarja e fondeve të 20%-it për punëtorët e këtyre NSh-ve është në proces dhe është duke u realizuar nga BSPK-ja.

Back to top button