“Ah edhe Edita Tahiri, bashkuar me ca qyqarë që salutojnë vendimin e vizionarit IM”
Rama i reagon Edita Tahirit
Kryeministri i Shqipërisë, Edi Rama i është kundërpërgjigjur ish-kryenegociatores së bisedimeve me Serbinë, Edita Tahirit, e cila përshëndeti mosdekretimin e Gent Cakajt për ministër të jashtëm të Shqipërisë nga Presidenti i Shqipërisë, Ilir Meta.
Rama përmes një postimi në Twitter është shprehur se Edita Tahiri i është bashkuar Ilir Metës, duke shtuar se Gent Cakaj i meriton sulmet e saj aq sa ‘vizionarët’ me emrin njeri.
“Ah edhe Edita Tahiri, bashkuar me ca qyqarë që salutojnë vendimin e vizionarit IM! Ah çfarë llumi mllefi e terri që “vizionarët”e kësaj kategorie e jashtëqesin si lumë dashurie për kombin! Genti e dashur Edita i meriton sulmet tuaja aq sa këta “vizionarë” emrin njeri! Po ti xhan?”, ka shkruar Rama në Twitter.