Aksident me fatalitet 

Një person ka humbur jetën si pasojë e një aksidenti në komunikacion në rrugën nacionale Leshak-Mitrovicë.
Rasti ka ndodhur dje rreth orës 01:50.
“Një mashkull kosovar derisa ishte duke drejtuar veturën, për shkaqe të panjohura kishte humb kontrollin mbi veturë, dhe ishte përplasur në mbrojtëset metalike të rrugës. Si pasojë e lëndimeve të marra drejtuesi i veturës kishte ndërruar jetë”, thuhet në raportin e Policisë.
Në vendin e ngjarjes kanë dalë njësitë policore dhe ekipi mjekësor i cili e ka konstatuar vdekjen e viktimës.
Me urdhër të prokurorit trupi i pajetë i viktimës u është liruar familjarëve për ceremoni varrimi.
Vetëm djë kanë ndodhur edhe 96 aksidente të tjera në komunikacion. 30 prej tyre me të lënduar ndërsa 66 vetëm me dëme materiale.