Arrestimi i tij është kryer sonte në Tiranë, për vepra të ndryshme penale në fushën e krimit kibernetik

Arrestimi i tij është kryer sonte në Tiranë, për vepra të ndryshme penale në fushën e krimit kibernetik

Policia shqiptare ka njoftuar se është arrestuar një i dyshuar që ishte në kërkim ndërkombëtar nga SHBA-të, i akuzuar në fushën e krimeve kibernetike.

Arrestimi i tij është kryer sonte në Tiranë, për vepra të ndryshme penale në fushën e krimit kibernetik, si pjesëtar i një organizate kriminale që shiste të dhëna të vjedhura kartash krediti në thellësi të internetit, duke u shkaktuar konsumatorëve një humbje prej 530 milionë dollarësh.

Njoftimi i Policisë së Shtetit:

“Kapet një shtetas i shpallur në kërkim ndërkombëtar nga SHBA, në fushën e krimeve kibernetike. Kapja dhe arrestimi në kuadër të operacionit ndërkombëtar të iniciuar nga SHBA, në bashkëpunim me disa shtete, ndërmjet tyre edhe Shqipëria.Gjatë një operacioni të zhvilluar mbrëmjen e sotme në Tiranë, nga Sektori Kundër Krimeve Kibernetike në Policinë e Shtetit në bashkëpunim me DVP Fier dhe Prokurorinë e Përgjithshme u kap dhe u arrestua shtetasi: A. Y, 25 vjeç, lindur dhe banues në Fier”, thuhet në njoftimin e dërguar nga policia e Shqipërisë.

Tutje në njoftim thuhet se ndaj shtetasit A.Y , ka një urdhër arresti nga SHBA, për vepra të ndryshme penale në fushën e krimit kibernetik, pjesëtar i një organizate kriminale që shiste të dhëna të vjedhura kartash krediti në thellësi të internetit, duke u shkaktuar konsumatorëve një humbje prej 530 milionë dollarësh.

“Nga 36 personat ndaj të cilëve u ngrit padi, 13 janë arrestuar në Shtetet e Bashkuara, Australi, Britani, Francë, Itali, Kosovë dhe Serbi. Grupi i quajtur Infraud, ishte krijuar në vitin 2010 nga Svyatoslav Bondarenko, një 34 vjeçar ukrainas dhe përdorte një forum në internet për të blerë dhe shitur karta krediti dhe llogari bankare të vjedhura, numra të sigurimeve shoqërore dhe informacione të tjera personale”, thuhet në njoftim.