Arrestohet dy të dyshuar për shitje të narkotikëve
Policia ka sekuestruar marihuanë në sasi prej 26 kg e 371.3 gramë
Policia e Kosovës ka arrestuar dy të dyshuar në Istog për blerje, posedim, shpërndarje dhe shitje të paautorizuar të narkotikëve.
“Patrulla e Stacionit Policor të Istogut, me 6 shkurt 2019, në një fshat të Istogut, ka identifikuar një veturë të dyshuar (me targa vendore), ku të njëjtën ka arritur ta ndalojë dhe gjatë kontrollit në bagazhin e veturës janë hasur tetë thasë të mbështjellë në të cilët dyshohej se kishte lëndë narkotike”, thuhet në komunikatën e dërguar për media.
Më pas rastit i janë përgjigjur zyrtarët policorë nga Drejtoria për Hetimin e Trafikimit me Narkotikë-Pejë. Policia ka arrestuar dy persona të dyshuar për përfshirje në veprën penale ‘blerje, posedim, shpërndarje dhe shitje e paautorizuar e narkotikëve’.
Të dyshuarit e arrestuar janë :
- K. lindur në vitin 1990 m/sh/k
D. S. lindur në vitin 1995 m/sh/k
Policia ka bërë sekuestrimin e substancës narkotike të dyshuar si marihuanë në sasi prej 26 kg e 371.3 gramë.
Me urdhër të prokurorit të dyshuarit pas intervistimit janë dërguar në mbajtje për 48 orë./21Media