Prokurori kërkon paraburgim për të dyshuarin

Prokurori kërkon paraburgim për të dyshuarin

Me urdhër të Prokurorisë Speciale të Republikës së Kosovës, Policia e Kosovës, ka arrestuar një person me inicialet R.D., i dyshuar se ka kryer krime lufte kundër popullatës civile.

“R.D dyshohet se ka kryer veprën penale “Krime lufte kundër popullatës civile” në kundërshtim me nenin 142 të Ligjit Penal të ish Republikës Socialiste Federative të Jugosllavisë, “Krime të Luftës në shkelje të rëndë” të Konventave të Gjenevës nga neni 144 i KPRK-së, “Krimet e Luftës në shkelje të rëndë” të nenit 3 të përbashkët të Konventave të Gjenevës nga neni 146 i KPRK-së, “Krimet e Luftës në shkelje të rëndë” të ligjeve dhe zakoneve që zbatohen në konfliktet e armatosura që nuk janë të karakterit ndërkombëtarë nga neni 147 i KPRK-së, dhe veprës penale “Mbajtja në pronësi, kontroll ose posedim të paautorizuar të armëve”, nga neni 366 paragrafi 1 të KPRK-së”, thuhet në një komunikatë të Prokurorisë Speciale të Kosovës.

Prokurori i rastit gjatë ditës do të bëjë kërkesë në Gjykatën Themelore në Prishtinë, për caktimin e paraburgimit./21Media