IPK ka arrestuar sot në orët e pasdites në Shtime zyrtarin policor

IPK ka arrestuar sot në orët e pasdites në Shtime zyrtarin policor

Inspektorati Policor i Kosovës ka arrestuar sot një zyrtar policor me dyshimin se i njëjtit ka kryer veprën penale “Marrje ryshfeti” dhe “Keqpërdorim i pozitës apo autoritetit zyrtar”.

IPK thotë se kishte pranuar dy ditë më herët një informacion lidhur me aktivitetin e dyshimtë për këtë zyrtar policor të Stacionit Policor në Shtime.

”Hetuesit e IPK-së kanë siguruar edhe urdhëresën nga Prokuroria Themelore në Ferizaj për realizimin e masave të fshehta dhe teknike të vëzhgimit dhe hetimit. Si rezultat i veprimeve hetimore, IPK ka arrestuar sot në orët e pasdites në Shtime zyrtarin policor të dyshuar për veprën penale “Marrje ryshfeti” dhe “Keqpërdorim i pozitës apo autoritetit zyrtar” dhe me vendim të prokurorit kompetent i është caktuar masa e ndalimit për 48 orë. Dyshimet e hetuesve të IPK-së deri në këtë fazë të hetimeve janë se zyrtari policor është i dyshuar për mos ekzekutimin e urdhëresave të ndryshme të organeve të drejtësisë duke përfituar në mënyrë të kundërligjshme”, thuhet në komunikatë.

Hetuesit e IPK-së në koordinim të plotë me Prokurorinë Themelore në Ferizaj thonë se do të vazhdojnë të ndërmarrin edhe veprime të tjera hetimore drejt ndriçimit të plotë të të gjitha rrethanave që ndërlidhen me këtë rast me dyshimin për përfshirjen edhe të një zyrtari tjetër policor në këtë rast.