ATK konsultohet me bizneset për planin e integritetit

I pranishëm edhe drejtori i Zyrës për Zhvillim Ekonomik të USAID-it në Kosovë

Administrata Tatimore e Kosovës(ATK) po mban tryezën e konsultimeve publike me përfaqësues të bizneseve lidhur me hartimin dhe zbatimin e “Planit për përmirësimin e integritetit” të ATK-së.

Hartimi i këtij plani është duke u mbështetur nga Programi i USAID-it për Qeverisje Ekonomike në Kosovë, që njëherësh është edhe bashkëorganizator i procesit të konsultimeve publike.

Në këtë takim, përveç drejtorit të ATK-së, Ilir Murtezaj dhe zyrtarëve të tjerë i pranishëm është edhe drejtori i Zyrës për Zhvillim Ekonomik të USAID-it në Kosovë, Joshua Mike./21Media