Ai tha se bina ku do të performojë ajo do të ngritet 3 metra e gjysmë

Ai tha se bina ku do të performojë ajo do të ngritet 3 metra e gjysmë

Bahtiri foli për qeverisjen e tij që nga viti 2014 dhe tha se gjatë këtyre viteve të qeverisjes së tij u mundua që t’i shërbejë vendit të tij.

Ndër tjerash, i pari i Mitrovicës foli edhe për performancën e këngëtares me renome botërore, Shakira për të cilën tha se bina ku do të performojë ajo do të ngritet 3 metra e gjysmë, shkruan rtv21.tv

Ai tha se ka paraparë që Shakira bashkë me të do të shëtitet prej anës së jugut në anën e veriut, në rreth rrotullim dhe do të kthehet bashkë me të. Megjithatë tha se nuk dihet me çfarë makine dhe se ende po negociojnë me të.

Bahtiri tha se do të kërkojë nga institucionet e sigurisë të marrin masa për një ambient të qetë, transmeton rtv21.tv

Kryetari Bahtiri tha se po dëshiron që hapja të bëhet në mënyrë paqësore dhe kjo është arsyeja pse u zgjodh performanca e saj në Kosovë.

“Unë mendoj që është një gjë jashtëzakonisht e vlefshme edhe për të, sepse kajhere parja nuk do të thotë gjithçka, është emri shume ma i madh se parja, dhe unë mendoj se në një qytet të ndarë qe 20 vite, të bashkohen është jashtëzakonisht një çmim i madh për të, për arsye se do të merr edhe emrin e urës. Emri i saj do të pagëzohet në Urën e Ibrit dhe që munen gjeneratat e ardhmshme me lexu emrin e saj aty, dhe të krijohet një përshtypje se vetëm ajo e ka bashkuar qytetin dhe kjo nuk është pak”, tha Bahtiri, përcjellë rtv21.tv

Kryetari i Mitrovicës, tutje tha se i dëgjon të gjitha këngët e saj./21Media