Banorët e dëmtuar nga tërmeti: Bonusi i qirasë është i pamjaftueshëm

Kundërshtojnë të largohen nga hotelet

Tërmet të dytë e konsiderojnë banorët e strehuar në komplekset në Shëngjin urdhrin e qeverisë për tu larguar prej tyre.

Ata deklarojnë se bonusi i qirasë i akorduar nga qeveria është i pamjaftueshëm krahasuar me çmimin e shtëpive ndaj kundërshtojnë të largohen nga hotelet.

“Ky është një tërmet 100 ballësh”.

“Nuk kam ku të shkoj”.

Por, përveç pamjaftueshmërisë së bonusit të qirasë, shumë banorë kanë humbur punën e për pasojë vështirësitë  ekonomike shtohen.

“Nuk na kanë ofruar asnjë ndihmë. Punën e kam pasur në Krujë, tani rrimë në shtëpi”.

Agjencitë imobilare në Lezhë pohojnë se qiraja në atë zonë është rritur me rreth 30 për qind pas tërmetit, ndërsa numri i banesave me qira është shumë i ulët në krahasim me kërkesat.

“Nëse një apartament 1+1 ka qenë 130 mijë lekë të vjetra, do të shkojë 150-160 lekë. Ndërsa një apartament 2+1 ka qenë 160, mund të shkojë 180-200”.

107 familje janë akomoduar në komplekset në zonën e Shëngjinit./oranews