Beqaj merr pjesë në “IT Hub Connect 2018” në Sofje

Ministri Beqaj do ta takojë edhe ministrin e Ekonomisë së Bullgarisë

Ministri i Inovacionit dhe Ndërmarrësisë, Besim Beqaj do të marrë pjesë në edicionin e parë të konferencës “IT Hub Connect 2018 – Innovations, Regulations and Investments”, që mbahet sot dhe nesër në Sofje të Bullgarisë.

Qëllimi i konferencës është forcimi i më tejmë i marrëdhënieve midis industrive të IT në Ballkan, Indi dhe SHBA, duke krijuar baza të përbashkëta për bashkëpunim të suksesshëm.

Në konferencë do të marrin pjesë ministrat e Inovacionit të vendeve të Ballkanit, si dhe përfaqësues të Komisionit Evropian për ekonomi Digjitale dhe Shoqëri.

Gjatë qëndrimit në Bullgari, ministri Besim Beqaj do ta takojë edhe ministrin e Ekonomisë së Bullgarisë Emil Karanikolov.

Konferenca “IT Hub Connect 2018 – Innovations, Regulations and Investments”, mbahet nën patronazhin e Presidencës Bullgare të Këshillit të BE-së.

Back to top button