Britania e Madhe: Do të kërkojmë heqjen e plotë të tarifës
Johnson foli në telefon me Vuçiq
Britania e Madhe ka përshëndetur heqjen e pjesshme të tarifës ndaj mallrave serbe.
Siç njofton Ambasada e Britanisë në Kosovë, Kryeministrit i Mbretërisë së Bashkuar Boris Johnson ka biseduar në telefon me presidentin serb Aleksandar Vuçiq:
“Kryeministri Johnson e përshëndeti rifillimin e dialogut midis Serbisë dhe Kosovës. Ai gjithashtu përshëndeti tërheqjen e pjesshme të tarifës së Kosovës nga mallrat nga Serbia dhe inkurajoi një përgjigje pozitive. Ai tha se Mbretëria e Bashkuar do të vazhdojë të kërkojë heqjen e plotë të tarifës”.. thuhet në njoftimin e Ambasadës Britanike.
Kyreministri i Kosovës, Albin Kurti ka thënë dje në një konferencë për media se pas konsultës me institucione kanë vendosur që nga 15 marsi të hiqet tarifa 100% ndaj lëndës së parë të importuar nga Serbia dhe Bosnja e Hercegovina.
Qeveria po ashtu ka marrë vendim se nëse Serbia do ta ndalë fushatën për çnjohje ndaj Kosovës, taksa 100% do të largohet plotësisht nga 1 prilli.
Në anën tjetër SHBA nuk e ka përkrahur vendimin e Kurtit, duke thënë se taksa duhet të hiqet plotësisht./21Media