Gjatë kontrollës mjeksore ai ka kërcyer nga kati i dytë i emergjencës

Gjatë kontrollës mjeksore ai ka kërcyer nga kati i dytë i emergjencës

Policia e Pejës ka bërë të ditur se më 28 mars , ishte njoftuar nga Shërbimi Korrektues se një person i dyshuar i burgosur nën mbikëqyrjen e tyre ka ikur nga QKU-ja ku ishte dërguar për t’u trajtuar.

L.G.1998 , derisa ishte në lokalet e emergjencës dhe gjatë kontrollit mjekësor ka shfrytëzuar rastin duke kërcyer nga kati dytë i emergjencës së QKU-së  dhe ka ikur në drejtim të pa njohur.

I njëjti ishte duke u transferuar nga Burgu i Gjilanit në drejtim të burgut të Dubravës.

Sipas policisë, me të pranuar informatën janë aktivizuar njësitet policore në detyre dhe rreth orës 22:00 në fshatin Grabanicë, gjatë kontrollit të automjeteve është ndaluar në një automjet i tipit ‘Mercedes’ me targa regjistrimi vendor.

Gjatë kontrollit të vozitësit dhe pasagjerëve është vërejtur se i dyshuari nuk posedonte dokumente identiteti, me ç’rast kishte tentuar të ikte policisë, por fal reagimit të shpejtë i dyshuari është arrestuar dhe sjellë në Stacionin policor në Klinë.

Për ketë janë njoftuar autoritetet nga Qendra korrektuese Dubravë dhe pas verifikimit për identitetin e të dyshuarit, i njëjti i është dorëzuar autoriteteve të Qendrës korrektuese në Dubravë për të vazhduar me vuajtjen e dënimit në kohëzgjatje prej katër vjet.

Po ashtu, njësitet policore sot në zonën e përgjegjësisë Klinë rreth orës 02:20 gjatë kontrolleve në aksin rrugor Klinë- Gjakovë kanë ndaluar automjetin me targa vendore dhe gjatë legjitimimit të personave ne automjet është gjetur se pasagjerët F.K. 1981 nga Gjilani si dhe G.K. 1982 me banim ne Gjilan, të kërkuar sipas lëndëve të Gjykatës Gjilan- fletë rreshtimeve janë arrestuar dhe të njëjtit janë dërguar në vuajtje të dënimit të paraparë nga Gjykata./21Media