Certifikohen 22 ekspertë të sigurisë ushqimore

U tha se  certifikimi i këtyre ekspertëve vendorë është një mundësi e mirë për agrobizneset vendore

Zëvendësministri i Bujqësisë, Pylltarisë dhe Zhvillimit Rural, Isni Kilaj, ka marrë pjesë sot në ceremoninë e certifikimit të inspektorëve dhe auditorëve vendorë për sigurinë ushqimore.

Gjatë kësaj ceremonie, e cila është organizuar nga USAID-i dhe MBPZHR-ja, shtatë ekspertë vendorë u pajisën me certifikatën inspektorë të GLOBAL.A.P-it dhe 15 të tjerë me certifikatën për auditor të HACCP-it, ku i gjithë procesi është bërë nga trupa certifikuese “AgroManagement”, nga Danimarka.

Kilaj ka thënë se certifikimi i këtyre ekspertëve vendorë është një mundësi e mirë për agrobizneset vendore, pasi në këtë mënyrë atyre do t’iu ofrohet mbështetje profesionale për implementimin standardeve ndërkombëtare të sigurisë ushqimore në prodhimtarinë bujqësore.

Ai ka treguar se MBPZHR edhe në vitin e ardhshëm do të ofrojë mbështetjen e saj për sektorin prodhues dhe përpunues në vend, me qëllim të rritjes së prodhimtarisë dhe cilësisë së prodhimeve bujqësore, që gjë sipas tij do të ndikojë që ato të jenë konkurrente edhe në tregun e huaj.

Ndërsa, James Hope, drejtor i USAID-it në Kosovë, tha se implementimi i standardeve ndërkombëtare të sigurisë ushqimore është njëra nga sfidat për sektorin e bujqësisë dhe sipas tij certifikimi i këtyre ekspertëve do të jetë një ndihmesë e madhe në këtë drejtim.

Back to top button