Ai e nisi skicën në mënyrë perfekte, por...

Ai e nisi skicën në mënyrë perfekte, por…

Një vajzë, e cila dëshironte që përgjithmonë në lëkurë të kishte të vizatuar fytyrën e qenit të saj u pendua kur pa rezultatin e tatuazhit.

26-vjeçarja, Kayla Robertson, e ka adoptuar qenin e saj Penny përpara një viti dhe e do aq shumë saqë mendoi që ta bënte tatuazh.

“Shkova në Bali për një martesë dhe doja që ta bëja tatuazhin sa isha atje. Ai e nisi skicën në mënyrë perfekte, kështu që isha e qetë. Por pastaj filloi të bënte sytë dhe nuk po shkonte dhe aq mirë. Pashë që hunda dukej e çuditshme dhe pak e shtrembër, por nuk munda ta kuptoja mirë në atë moment sepse isha kokëposhtë”, u shpreh ajo.

Vetëm 30 minuta pasi tatuazhi kishte përfunduar Kayla e kuptoi që hunda e qenit, ngjate si organi gjenital mashkullor dhe doli nga dyqani me shpresën se nuk do ta kuptonte njeri.

Por, më vonë të njëjtin reagim patën dhe miqtë e saj.

Pasi e ndau historinë e saj në internet, Robertson gjeti një artist tjetër tatuazhesh që e ndihmoi me rregullimin e fytyrës së qenit.