Sot bëhen homazhe dhe mbahet akademi në shënimin e Epopesë së UÇK-së

Sot bëhen homazhe dhe mbahet akademi në shënimin e Epopesë së UÇK-së

Në ditën e dytë të Epopesë së ushtrisë Çlirimtare të Kosovës, që njihet si Dita e Dëshmorëve, sot bëhen homazhe dhe mbahet akademi në shënimin e Epopesë së UÇK-së.

Në të gjithë Kosovën dhe trojet e tjera shqiptare do të bëhen homazhe pranë varreve të dëshmorëve që kanë dhënë jetën për lirinë e atdheut.

Ceremonia e homazheve do të fillojë që në orët e mëngjesit me nderime tek varri i Komandantit Legjendar, Adem Jashari në Prekaz.

Po ashtu, nga ora 15:30 Kuvendi i Kosovës do të mbajë seancë për Epopenë e UÇK-së.

Kurse, në ora 18:00 do të mbahet Akademi kushtuar Epopesë së Ushtrisë Çlirimtare të Kosovës.

Në ditën e fundit të Epopesë së UÇK-së do të mbahet nata e zjarreve në Prekaz.