Drenasi e ndanë parkingun për kategoritë me nevoja të veçanta
Realizohen disa projekte të Drejtorisë së Shërbimeve Publike në Drenas
Drejtoria e Shërbimeve Publike dhe Emergjencë në Drenas njofton se ka vazhduar në realizimin e projekteve që janë në interes të qytetarëve.
“Pasi që ishin dëmtuar shtyllat, apo pahit mbrojtëse në rrugën kryesore Drenas-Komoran, përkatësisht përballë Stacionit të Autobusëve, janë vendosur serish ato ne gjatësi prej 60m dhe që është vlerësuar se ka qenë e rrezikshme për këmbësorët, kryesisht për nxënësit e dy shkollave të mesme”, thuhet në një njoftim të kësaj komune.
Po ashtu njoftohet se janë kryer punimet edhe në vendosjen e pengesave në rrugë, në tri lokacione të ndryshme, ndërsa është bërë edhe shënjëzimi i parkingut përballë objektit të Komunës së Drenasit, ku njëkohësisht është definuar dhe ndarë parkingu për kategoritë me nevoja të veçanta./21Media