Poezi nga Ismail Kadare

Poezi nga Ismail Kadare

Ismail Kadare u lind në Gjirokastër, ku edhe përfundoi arsimin e mesëm. Kadare është një nga shkrimtarët më gjenialë bashkëkohorë, disa herë i nominuar për çmimin “Nobel” në letërsi. Ai shquhet për novela, romane, por ka botuar edhe vëllime me poezi dhe sprova. /21Media 

E pamundura

Ka njëzet vjet që ti mungon

Zbrazëtirën asgjë s’e mbush

Në tryezën e gëzimit a të brengës sonë

Ka një vend ku nuk ulet askush

 

Në aeroport të Rinasit nga ike

Pistat janë të shtruara gjithnjë

Të gjithë avionët ty të marrin

Por pas s’të kthen asnjë.

 

Veç mes gjëmimit të motorëve

Duralumini ndrit, drithëron,

Zëri gjëmues dhe buzëqeshja jote

Vijnë një çast dhe prapë shkojnë…