Video e performancës së saj u bë virale

Video e performancës së saj u bë virale

Video e një gruaje të pastrehë ruse, që u bë virale pasi këndoi në metro, po nënshkruan një marrëveshje të madhe.

Emily Zamourka dhuroi performancë të jashtëzakonshme me vokalin e saj për opera në një metro në Los Angeles. Asaj iu është ofruar një kontratë për regjistrim muzike nga producenti Joel Diamond.

I nominuari për Grammy shprehu dëshirën e tij që Emily t’i bashkohet skuadrës së tij dhe të prodhojë muzikë. Diamond tha se kënga e parë  që do të publikojnë do të quhet “Parajsë” dhe do të prodhohet nga shtëpia diskografike Silver Blue Records, që ai e ka themeluar në vitin 1973.

Producenti mësoi për herë të parë për këngëtaren pasi Departamenti i Policisë në Los Anxhelos publikoi një video të saj në Twitter, duke kënduar në një stacion metroje. Menjëherë video e 52-vjeçares u bë virale në internet.

Zamourka u bë e pastrehë pas një fatkeqësie që i ndodhi. Ajo u zhvendos në SHBA më shumë dekada më parë dhe ka marrë mësime për violinë dhe piano, por ishte sëmurë dhe ka mbetur pa shtëpi pasi nuk mund të përballonte kujdesin shëndetësor.

“Nuk doja të isha barrë për askënd,”, tha gruaja për ABC 7.

Së bashku me marrëveshjen, dy fushata GoFundMe kanë mbledhur mijëra dollarë për Zamourka, njëra 52 mijë dollarë dhe tjetra 32 mijë dollarë.

Ajo do mbajë një koncert në Los Angeles të shtunën, raporton oranews.

Para katër- pesë ditësh, gruaja me bishtaleca po tërhiqte një qerre të madhe dhe mbante tri qese në duar, ndërsa këndoi “Puccini aria”. Video u xhirua nga një oficer policie që punonte në stacionin Wilshire dhe Normandie Purple Line, sipas “Los Angeles Times”. Në videon e postuar nga Departamenti i Policisë në Los Angeles në Twitter, një grua me vokalin e saj befasues bëri jehonë nëpër stacion. “4 milionë njerëz e quajnë LA shtëpi. 4 milionë histori. 4 milionë zëra … ndonjëherë duhet të ndalesh dhe të dëgjosh një, të dëgjosh diçka të bukur”, ishte mbishkrimi i videos së publikuar, e cila u bë virale në internet.