Mërgimtarët po presin deri në gjashtë orë në kufi

Mërgimtarët po presin deri në gjashtë orë në kufi

Pritjet e gjata dhe kolonat nëpër pikat kufitare të Kosovës po vazhdojnë edhe këtë të shtunë.

Qendra Kombëtare për Menaxhim Kufitar njofton se në pikën kufitare në Merdare, mërgimtarët po presin deri në 6 orë për të dalë nga Kosova, përderisa për të hyrë po presin 5 deri në 10 minuta. Ndërkaq kolona në dalje të Kosovës në këtë pikë është mbi një kilometër e gjatë, shkruan rtv21.tv.

Në pikën kufitare te Dheu i Bardhë pritja është deri në 1 orë e 20 minuta, në Mutivodë pritja është deri një orë, ndërsa në pikën kufitare Jarinjë pritjet për të dalë nga Kosova janë 40 minuta.

Në këtë mëngjes raportohet se në pikat e tjera kufitare nuk ka pritje të gjata.

Gjithashtu, mëngjesin e së premtës bashkatdhetarët kanë pritur në kufi me orë të tëra për të dalë nga Kosova./21Media