Emigrantja 7-vjeçare vdiq në paraburgim pas kalimit të kufirit

Nuk kishte pasur ushqim dhe ujë për disa ditë

Një vajzë shtatëvjeçare nga Guatemala e cila kalonte ilegalisht kufirin amerikano-Meksikë me babain e saj vdiq disa orë pasi u kap në paraburgim, thonë mediat amerikane.

Vajza, e cila mbërriti në SHBA javën e kaluar si pjesë e një grupi emigrantësh, vdiq nga dehidrimi dhe tronditja, raportoi Washington Post.

Agjencia e lajmeve AP citon zyrtarët e kufirit të thonë se ajo nuk kishte pasur ushqim dhe ujë për disa ditë, transmeton rtv21.tv.

Mijëra emigrantë kanë udhëtuar nga Amerika Qendrore në kufirin amerikan.

Emigrantët thonë se po ikin nga përndjekja, varfëria dhe dhuna në vendet e tyre në Guatemalë, Honduras dhe El Salvador.

Shumë prej tyre thonë se qëllimi i tyre është të vendosen në SHBA pavarësisht paralajmërimeve nga zyrtarët amerikanë se kushdo që gjendet duke hyrë në vend në mënyrë të paligjshme do të përballet me arrestimin, ndjekjen penale dhe dëbimin.

Zyrtarët amerikanë deri tani nuk kanë bërë asnjë deklaratë zyrtare për vdekjen e vajzës./21Media