Kompania Adria Airways pezullon fluturimet e saj

Kompania Adria Airways pezullon fluturimet e saj

Transportuesi i flamurit slloven Adria Airways ka “pezulluar përkohësisht” operacionet e fluturimit, njoftoi linja ajrore në mbrëmjen e së hënës.

Të gjitha fluturimet për të martën dhe të mërkurën janë anuluar, ndërsa është e paqartë se çfarë do të ndodhë me fluturimet e Adria Airways pas kësaj periudhe dy-ditore të pezullimit.

Linja ajrore thotë se mungesa e fondeve e ka detyruar atë të marrë këtë vendim, transmeton rtv21.tv.

Bisedimet në lidhje me një investim për të shpëtuar operacionet e Adria Airways kishin dështuar. Kërkesa e kompanisë ajrore për një kredi shpëtimi prej katër milionë eurosh nga qeveria sllovene u refuzua.

Pasagjerët që kanë rezervuar një fluturim me transportuesin këshillohet që të “kontaktojnë zyrat e shitjeve ku janë blerë biletat”.

Linja ajrore e themeluar në vitin 1961 punëson gjithsej 558 njerëz dhe është pjesë e Star Alliance që nga viti 2004. Ajo mbart më shumë se 1 milion pasagjerë në vit dhe përdor programin e shpeshtë të fluturimeve të Lufthansa ‘Miles & More’.

Kompania ka shprehur keqardhje të thellë për situatën dhe kërkoi falje nga të gjithë pasagjerët dhe partnerët e saj. Adria Airways u sugjeroi pasagjerëve dhe partnerëve të saj të ndjekin më tej njoftimet e linjës së tyre./21Media