Vetëm 627 bileta do t’iu takojnë tifozëve kosovarë

Vetëm 627 bileta do t’iu takojnë tifozëve kosovarë

Federata e Futbollit të Kosovës ka njoftuar sot publikun rreth biletave për ndeshjen Kosovë – Çeki. Nëpërmjet një njoftimi në faqen e tyre zyrtare, Federata e Futbollit të Kosovës ju ka bërë thirrje tifozëve që të mos bëjnë rezervime për fluturime dhe hotele për shkak të numrit të vogël të biletave.

Ato bileta, të cilat ata i kanë do t’i ndajnë me dardanët, kurse pastaj në bazë të obligimeve kontraktuale që ka FFK-ja do të ndajë bileta për sponsorët, bashkëpunëtorët, institucionet si dhe në fund familjarët e futbollistëve.

“Duke kuptuar interesimin e jashtëzakonshëm të publikut dhe tifozëve për ta mbështetur Kombëtaren e Kosovës, në sfidën më të rëndësishme deri tani, atë kundër Republikës Çeke, Federata e Futbollit e Kosovës me keqardhje të thellë është e detyruar t’ u bëjë thirrje tifozëve që të mos bëjnë rezervime për fluturime dhe hotele, për shkak të numrit jashtëzakonisht të vogël të biletave që FFK-ja ka në dispozicion për këtë ndeshje. Në bazë të nevojave, biletat që janë në dispozicionin tonë, do t’u akordohen grupimit të tifozëve “Dardanët”, kurse pastaj në bazë të obligimeve kontraktuale që ka, FFK-ja do të ndaj bileta për sponsorët, bashkëpunëtorët, institucionet si dhe në fund familjarët e futbollistëve”, ka shkruar FFK.

Po ashtu, Federata ka bërë të ditur se ata kanë kërkuanr numër më të madh të biletave nga Federata Çeke, por kanë marrë përgjigjie negative.

“Ne e çmojmë jashtëzakonisht shumë përkrahjen e parezervë që marrim nga publiku në rrugëtimin drejtë ëndrrës për kualifikim dhe u jemi shumë mirënjohës të gjithë qytetarëve të Kosovës dhe mërgimtarëve që janë në gjendje të bëjnë shpenzime të pabesueshme vetëm për të qenë krah futbollistëve në këtë ndeshje, por në situatën në të cilën jemi, e kemi të pamundur të sigurojmë bileta për takimin që zhvillohet në Plzen. Stadiumi ku zhvillohet ndeshja ka kapacitet të ultë dhe përkundër insistimit tonë, Federata Çeke e Futbollit ka refuzuar të ndaj numër pak më të madh biletash për sektorin e shikuesve mysafirë,” , ka përfunduar FFK.

Federata Çeke ka bërë të ditur se vetëm 627 bileta do t’iu takojnë tifozëve kosovarë.