Filloi festa për lirimin e Haradinajt
Në selinë e partisë së Haradinajt po festojnë me fishekzjarre
Në selinë e AAK-së në Prishtinë kanë filluar festimet menjëherë pas vendimit për lirimin e liderit të kësaj partie Ramush Haradinaj. Me fishekzjarre e mjete të ndryshme kumboi i tërë kryqyteti nga festa e kësaj partie.
Edhe në Francë është mirëpritur ky vendim nga qytetarë të shumtë që dolën për ta pritur lirimin e Haradinajt.
Haradinaj ishte ndaluar në aeroportin e Baselit të Zvicrës në pjesën franceze dhe prej asaj kohe ka qëndruar në qytetin e Strasburgut.
Sot përfundimisht Gjykata e Colmar, ka dhënë verdiktin duke mos e ekstraduar Haradinajn në Serbi – ashtu siç kishin kërkuar autoritetet serbe, por duke e liruar atë./21Media