Do të diskutohen mundësitë për formimin e koalicionit VV- LDK

Do të diskutohen mundësitë për formimin e koalicionit VV- LDK

Lideri i Lëvizjes Vetëvendosje, Albin Kurti dhe Lideri i Lidhjes Demokratike të Kosovës, Isa Mustafa në ora 15:00 kanë filluar takimin e radhës.

Albin Kurti ka bërë të ditur se do të diskutohen mundësitë e formalizmit të bashkëqeverisjes së ardhshme. Kurti ka deklaruar se fokusi i diskutimeve duhet të jetë tek karriget e zbrazëta, si kryeministri dhe kryetarit të Kuvendit që kanë mbetur pa përfaqësues.

Po ashtu ai ka thënë se duhet të përshpejtohen hapat drejt formimit të qeverisë pasi që sipas Kurti certifikimi i rezultateve do të bëhet në javën e ardhshme.

Kryetari i VV-së Albin Kurti edhe një herë është shprehur i vendosur për të mos përfshirë në koalicion Listën Serbe.

Ka dy mbi javë që kanë përfunduar negociatat e grupeve punese të VV-së dhe LDK-së, e prej atëherë nuk ka pasur takim ndërmjet këtyre dy partive. Grupet punuese në gjashtë takimet që kishin mbajtur ishin pajtuar në harmonizimin e shumicës së çështjeve të programit, duke zvogëluar edhe numrin e ministrive nga 21 në 12 ministri.

Zgjedhjet e parakohshme parlamentare në Kosovë u mbajtën më 6 tetor në 38 komuna në 895 qendra të votimit me 2545 vendvotime. Nga këto zgjedhje e para doli Lëvizja Vetëvedosje, ndërsa menjëherë pas saj Lidhja Demokratike e Kosovës./21Media