Filloi takimi Thaçi-Kurti

Kurti shkon në presidencë

Takimi ndërmjet presidentit të Kosovës, Hashim Thaçi dhe liderit të Lëvizjës Vetëvendosje, Albin Kurti ka filluar në orën 15:00, pas ftesës së tretë për caktimin e mandatarit për formimin e qeverisë nga ana e kreut të vendit.

Ky takim pritet të zgjasë rreth një orë. Ndërsa, mediet janë lejuar të marrin vetëm pamje nga ky takim, shkruan rtv21.tv.

Konstituimi i Kuvendit të Kosovës me zgjedhjen e Glauk Konjufcës kryetar dhe nënkryetarëve Arbërie Nagavci, Kujtim Shala dhe Memli Krasniqi, i ka hapur rrugë formimit të Qeverisë. Pas caktimit, mandatari ka në dispozicion 15 ditë që t’ia ofrojë Kuvendit përbërjen e kabinetit qeverisës. Në rast se herën e parë dështon, Presidenti bazuar në Kushtetutë ka të drejtë që të mandatojë një kandidat tjetër për mandatar. Nëse edhe i dyti dështon që të marrë votat e nevojshme në Kuvend vendi shkon në zgjedhje të parakohshme./21Media

Back to top button