Gjashtë skuadra do të jenë pjesë e Superligës së Femrave

Gjashtë skuadra do të jenë pjesë e Superligës së Femrave

Këtë fundjavë do të fillojë Superliga e Kosovës në konkurrencën e femrave.

Për herë të parë gjashtë skuadra do të marrin pjesë në Superligën e Femrave dhe gjashtë në Ligën e Parë.

Një skuadër do të luajë 20 ndeshje gjatë edicionit të rregullt dhe më pas zhvillohen përfundimtaret. Katër skuadrat e para sigurojnë “Play-off”-in, derisa skuadra e fundit (6) bie në Ligën e Parë.

Pra, në edicionin e ri priten ndeshje shumë interesante dhe garë për çdo pozitë, derisa e gjitha kjo është bërë që të ketë më shumë interesim në basketbollin e femrave në Kosovë.

Edicioni i ri hapet me ndeshjen ndërmjet Kastriotit dhe Penzës, që zhvillohet të shtunën nga ora 12:00, kurse të dielën Mabetex Prishtina është mysafire e Vëllaznimit. Ndeshja Bashkimi-Trepça zhvillohet të mërkurën./21Media