Asnjë grup ekspertësh për vlerësimin e banesave

Asnjë grup ekspertësh për vlerësimin e banesave

Tërmeti i 26 nëntorit dëmtoi dhe bëri të pabanueshme shumë shtëpi edhe në fshatin Shullaz të Kurbinit.

E tillë është banesa e Ndue Lalës. Në të kanë jetuar 7 persona të cilët pas nëntorit janë zhvendosur në shtëpi me qira.

Edhe pse ka kaluar më shumë se një muaj nga tërmeti në këtë fshat nuk ka shkelur ende asnjë grup ekspertesh për të vlerësuar dëmet e shkaktuara.

Banorët thonë se nuk mund të jetojnë gjatë në banesa me qira pasi e kanë të pamundur ta përballojnë financiarisht ndaj kërkojnë ndërhyrjen urgjente të shtetit.

“I bëjmë thirrje shtetit dhe komunës që të vijnë të verifikojnë banesat” thote kryefamiljari.

Banorët ngrejnë shqetësimin se nuk kanë përfituar ende çadra dimri apo ndihma në ushqime e veshmbathje.