Temperatura maksimale deri në 23 gradë

Temperatura maksimale deri në 23 gradë

Instituti Hidrometeorologjik i Kosovës, ka njoftuar se gjatë fundjavës do të mbajë mot me diell, ku temperaturat maksimale do të arrijnë ndërmjet 20-23 gradë Celsius.

“Do të mbajë mot i ndryshueshëm, me diell dhe me vranësira, gjatë vikendit do të mbajë mot kryesisht me diell. Temperaturat minimale parashihen të lëvizin ndërmjet 4-6 gradë Celsius, ndërsa maksimalet e ditës parashihen të lëvizin ndërmjet 20-23 gradë Celsius”, thuhet në njoftimin e IHMK-së.

Shtypja atmosferike do të rritet mbi vlerat e normales, por nuk do të mbetet stabile dhe si pasojë e kësaj gjendje barike, java e ardhshme pritet të ketë ndryshime të dukshme, ulje të temperaturave në të dy vlerat ekstreme dhe reshje shiu të intensitetit mesatar dhe vende-vende reshjet do të jenë të shoqëruara në formë stuhie./21Media