Gjini-Hotit: Mos pshtjell palidhje
Gjini e ka pyetur Hotin e a është i gatshëm ai bashkë me Mustafën t’i zgjidhin problemet e Kosovës?
Kryetari i Gjakovës, Ardian Gjini i është drejtuar ashpër shefit të grupit parlamentar të LDK-së, Avdullah Hotit, i cili dje kishte shkruar katër pika për dialogun Kosovë-Serbi.
Kurse, Gjini përmes një shkrimi në Facebook ka pyetur Hotin se a është i gatshëm ai bashkë me Isa Mustafën t’i zgjidhin problemet e Kosovës.
“Heu bre Avdullah Hoti! A je i bindur vet, se ti e Isa i zgjidhni problemet e Kosoves? Hell!! Nuk është zhdërvjelltësi politike mos me u përgjegj a duhet të pezullohet taksa a jo! Është shpërshfaqje e një pezevengu. Pezeveng i pafuqishem e i padenjë! Thuaj bile një herë çka po mendon! Mos pshtjell palidhje. Kështu nuk binden qytetarët me ta lënë ty në dorë fatin e tyre, apo të Kosovës”, ka shkruar mbrëmë Gjini në facebook.