Edinson Cavani ka vendosur për të ardhmen e tij

Edinson Cavani ka vendosur për të ardhmen e tij

Sulmuesi uruguaian dëshiron të luajë me Atletico Madrid dhe palët kanë gjetur gjuhën e përbashkët për të nënshkruar për dy sezonet e ardhshme. “El Matador” mund ta firmosë menjëherë atë.

Dëshira për bashkëpunim është e të dyja palëve, por problemi është se PSG nuk heq dorë prej sulmuesit që këtë muaj. Edhe vetë Atletico Madrid nuk është në kushte shumë komode. Për të marrë Cavanin duhet të shesë dikë dhe të ulë nivelin e shpenzimeve.

Në këto kushte, sulmuesi mund të veshë fanellën e Atletico Madrid në korrik dhe transferimi do të bëhet me parametro zero. Në këto kushte të dyja palët janë të lumtura dhe do të duhet të presin pak muaj për të nisur bashkëpunimin. Të premten, drejtues të klubi spanjoll kanë zbarkuar në Francë dhe marrëveshja është një formalitet.