Avokati shqiptar, Mehmet Seferi ka një detyrë të re në Maqedoni

Avokati shqiptar, Mehmet Seferi ka një detyrë të re në Maqedoni

Atij iu caktua sot që të mbrojë njeriun më të kërkuar në shtet, ish-kryeministrin Nikola Gruevski.

Detyrën thotë që e pranoj me dëshirë dhe vullnet të lirë.

“Nga ana e kryetarit të gjykatës sot mora edhe vendimin që jam edhe avokat zyrtar i angazhuar për personin TNT. Unë personalisht jam pak informuar pak për rastin, por në periudhën e ardhshme do të kërkoj nga gjykata të më dorëzojnë materiale në lidhje me rastin për mbrojtjen e personit, tha Mehmet Seferi, avokat i Nikolla Gruvskit .

Ish-kryeministri, Nikola Gruevski ka mbetur pa mbrojtje ligjore gati dy javë, prej se ekipi i tij ligjor dha dorëheqje nga detyra.

Gruevski prej 11 nëntori ka ikur nga radari i shtetit, ndërsa më 13 nëntor u lajmërua përmes Facebook-ut se është në Budapest dhe se ka kërkuar azil.

Avokati i tij i ri, Mehmet Seferi, thotë të mos ketë pasur ende kurrëfar komunikimi me klientin që ia caktoj gjyqi.

“Jo jo, unë nga ana e gjyqit kam marr vendimin dhe deri më tash nuk kam komunikuar” , tha Mehmet Seferi, avokat i Nikolla Gruvskit .

Gjykata Themelore Shkupi 1, i ka caktuar detyrën e re Mehmet Seferit për lëndën “TNT”, e cila lidhet me rrënimin e qëllimshëm të kompleksit ose kampusit studentor “Kosmos” me pronar Fiat Canoski.

I biri i të dëmtuarit, Sefer Canoski sot u paraqit në gjykatë për të dëshmuar.

Ai tha në gjykatë, se urdhri për rrënimin e “Kosmosit” e ka dhënë vet Nikola Gruevski.

Madje, Canoski thotë se për ta ndal rrënimin e objektit të tij, ka kontaktuar edhe më kreun e BDI-së Ali Ahmeti dhe Musa Xhaferrin.

“Para se të vish, unë u dëgjova me Gruevskin. Rrënimi po bëhet për shkak se baba yt e lëshoj koalicionin me VMRO-DPMNE dhe shkoj tek LSDM-ja, dhe nuk erdhi në koalicion me BDI-në”, ka dëshmuar Canoski në gjyq t’i ketë thënë Ali Ahmeti.

I dëmtuari Canovski, para disa vjet rastin e dërgoi në Gjykatën Ndërkombëtare për të Drejtat e Njeriut në Strasburg, dhe ka fituar rastin, por shteti i Maqedonisë ende nuk e ka dëmshpërblyer.

Ish-kryeministri Gruevski, akuzohet nga Prokuroria Speciale e Maqedonisë për rrënimin e objektit “Kosmos” në vitin 2011, bashkë me ish-ministrin e transportit Mile Janakievski dhe Toni Trajkovskin ish-kryetarin e Gazi Babës./TV21