Grenell sot takohet me Vuçiqin

Grenell viziton Beogradin

Emisari special amerikan për dialogun Beograd-Prishtinë, Richard Grenell sot do të takohet me presidentin e Serbisë, Aleksandar Vuçiq, shkruan rtv21.tv

Grenell dje në Prishtinë ka thënë se presidenti i SHBA-së Donald Trump nuk do të lejojë që zgjidhja e marrëdhënieve Kosovë-Serbi të vonojë edhe shumë kohë nëse arrihet përparim.

Grenell shkoi në Beograd nga Prishtina, ku foli me udhëheqësit politikë shqiptarë të Kosovës dhe theksoi se tarifat duhet të hiqet dhe se Beogradi duhet të ndalojë lobimin për tërheqjen e njohjes së pavarësisë së Kosovës.

Këto gjëra ai i përsëriti edhe para gazetarëve në Beograd, pas arritjes së tij në Serbi. I pyetur se çfarë do të bisedojë me presidentin serb, Aleksandar Vuçiq, Grenell deklaroi se Vuçiq është një partner i mirë, dhe po pret që me të të bisedojë për ekonominë dhe krijimin e punëve të reja./21Media

Back to top button