Abeja ra heroikisht në vitin 1998

Abeja ra heroikisht në vitin 1998

Kryeministri në dorëheqje, Ramush Haradinaj, kujtoi 21-vjetorin e rënies së dëshmorëve Bekim Berisha – Abeja, Bedri Shala, Përmet Vula, Elton Zherka dhe Jusuf Kelmendi.

Ai deklaroi se këta dëshmorë u shndërruan në shembull për ushtarët tjerë se si luftohet e vdiset për idealin e lirisë.

“Sakrifica e shqiptarëve për liri, ndër breza ishte unike dhe njohu trima të rrallë. 21-vjet më parë ranë heroikisht në fushën e nderit Bekim Berisha – Abeja, Bedri Shala, Përmet Vula, Elton Zherka dhe Jusuf Kelmendi, të cilët ishin rreshtuar me luftën çlirimtare për t’u shndërruar në shembull për ushtarët tjerë, se si luftohet e vdiset për idealin e lirisë. Edhe pse me çmim shumë të lartë, ideja që edhe ne të jetojmë të lirë, si popujt tjerë, nuk ndaloi, deri në jetësimin e saj të plotë. Lavdi e përjetshme!”, tha Haradinaj përmes një postimi në “Facebook”.

Më 10 gusht të vitit 1998, Bekim Berisha i njohur me nofkën “Abeja” si njëri ndër luftëtarët e Ushtrisë Çlirimtare të Kosovës, ra heroikisht pas një luftimi disa orësh me forcat serbe./21Media