Haradinaj: Kosova ka hyrë në hartën e investimeve

Ramush Haradinaj tha sot se Kosova ka hyrë në hartën e vendeve në të cilat investohet

Në mbledhjen e Këshillit Kombëtar për Zhvillim Ekonomik, kryeministri i Kosovës, Ramush Haradinaj kërkoi diskutime konkrete, pasi deklaroi se gjithçka tjetër është burokraci.

“Të kemi afate kohore, të kemi të arritura nga takimi në takim”, tha Haradinaj.

Duke aluduar në investimet për Termocentralin Kosova e Re, Haradinaj tha se Kosova po hyn në hartën e vendeve në të cilat shprehet interesim të investohet me projektin 1,3 miliard në energji.

Haradinaj në fjalën e tij u bëri thirrje organizatave që janë kundër shfrytëzimit të qymyrit dhe për energji alternative që të mos mërziten, pasi deklaroi se projekti në energji i favorizon edhe këto forma të energjisë.