Haradinaj foli edhe për Kurtin

Haradinaj foli edhe për Kurtin

Kryeministri në detyrë i Kosovës, Ramush Haradinaj derisa ka bërë homazhe te shtatorja e heroit Zahir Pajaziti me rastin e shënimit të ditëlindjes së tij, foli edhe rreth prezantimit të mbrëmshëm të ambasadores së Kosovës në SHBA, Vlora Çitaku në mbledhjes e Këshillit të Sigurimit.

Duke mos e komentuar shumë paraqiten e Çitakut, Haradinaj vazhdoi me akuza për idenë e shkëmbimit të territoreve ku sipas tij pro kësaj ideje përveç presidentit të Kosovës, Hashim Thaçi, kryeministrit të Shqipërisë, Edi Rama u rreshtua edhe ambasadorja kosovare, Vlora Çitaku.

Duke e konsideruar si të gabuar këtë veprim, kryeministri në detyrë deklaroi se veprime të tilla nuk i pengojnë zyrtarët e Kosovës që t’i shërbejnë vendit në situata tjera.

“Plot zyrtarë të Kosovës që janë rreshtuar pro ndarjes në emër të shkëmbimit të territoreve kanë bërë gabim të madh, të gjithë që kanë qenë pjesë e kësaj qoftë Vlora, qoftë zotëri Thaçi, qoftë kryeministri Rama, qoftë të tjerë me këtë ky gabim nuk ua ndalon atyre në tema tjera dhe situata tjera me i shërbye vendit, pra nuk është e ndaluar. Po është e vërtetë kanë qenë pjesë e kampanjës për ndarje të Kosovës në emër të shkëmbimeve territoreve”, tha Haradinaj.

I pyetur se si e sheh Albin Kurtin si pasues të tij, Haradinaj tha se nëse punon në interes të vendit do e përkrah në të kundërtën do e kundërshtojë atë.

“Nuk është pasues i imi, është kryetari i Qeverisë së vendit nëse e voton Parlamenti dhe i uroj sukses në punët në interes të vendit, nëse punon në interes të vendit i jap përkrahje, nëse jo e kundërshtoj“, tha Haradinaj.

Prej shtatorit 2017 deri në korrik të këtij viti, kur ai dha dorëheqje, Haradinaj udhëhoqi Qeverinë nga zgjedhjet e fituara në koalicion me PDK’në dhe Nismën.

Ndërsa, pas zgjedhjeve të parakohshme paralamentare që janë mbajtur me 6 tetor, Kryetari i Aleancës për Ardhmërinë e Kosovës, Ramush Haradinaj, ka konfirmuar se nuk do të jetë deputet në Kuvendin e Kosovës. Partija e tij në këto zgjedhje ka garuar në koalicion parazgjedhor me PSD-në, dhe janë rradhitur si partia e katërt për nga numri i votave. E para në këto zgjedhje ka dal VV, e dyta LDK, e treta, PDK. /21Media