Haradinaj: Me votimin e rezolutës Kuvendi merr primatin në dialog
Pritet të fillojë seanca e jashtëzakonshme për dialogun
Në prag të mbajtjes së seancës së jashtëzakonshme për miratimin e rezolutës së PSD-së për dialogun me Serbinë, kryeministri i vendit, Ramush Haradinaj ka thënë se ka dakordim mes grupeve parlamentare, mirëpo, siç ka deklaruar ai, duhet të pritur se a do të mundet koalicioni qeverisës të kryej gjatë ditës së sotme këtë votim.
Sipas tij, duhet të vepruar sa më shpejtë, pasi Serbia po krijon avantazhe, duke e shfrytëzuar vendimet e Kosovës për t’u arsyetuar se ne nuk po investojmë në dialog.
“Mirë është të veprojmë, jo të presim pa kufij. Serbia po krijon avantazhe në raport me ne. Serbia e paraqet pozitën tonë si të pa interesuar. E shfrytëzon vendimet tona si atë të ushtrisë dhe taksës për me thënë se Kosova nuk po investon për dialogun, por vetëm për t’u larguar nga dialogu… ekziston mundësia në të ardhmen që me pas përkrahjen e LDK-së dhe VV-së”, ka thënë i pari i qeveris Haradinaj.
Haradinaj ka folur dhe për rolin e presidentit Thaçi, ku tha, se, detyrat e tij, në dialog janë kushtetuese, mirëpo, tashmë me votimin e kësaj rezolute parlamenti ka primatin.
Ndërsa, për refuzimin e partive opozitare për të pjesëmarrës në këtë seancë, Haradinaj ka thënë se dialogu do të jetë transparent, sipas tij, do të informojnë gjitha partitë tjera për proceset që do të ndodhin.
“Funksionet e presidentit janë kushtetuese, ato nuk ndryshojnë megjithatë parlamenti mandaton një delegacion që është zhvillim i mirë…. duhet të ketë marrëveshje për të gjitha, psh ne nuk kemi marrëveshje të bërë gati për tregti të lirë, për atë arsye tani e kemi vendosur taksën, kur të largohet taksa në ditën e njohjes duhet të nënshkruajmë një marrëveshje për tregti të lirë”, ka thënë ai.
Seanca e jashtëzakonshme e Kuvendit të Kosovës e cila ishte paraparë të mbahej nga ora 14:00 tani pritet të filloj tani në orën 16:30.
Kjo seancë e jashtëzakonshme do të mbahet me kërkesë të 42 deputetëve për miratimin e Projekt-rezolutës mbi procesin e dialogut për normalizimin e marrëdhënieve në mes të Kosovës dhe Serbisë.