Haradinaj përfaqëson Kosovën në Forumin Ekonomik të Vjenës

Përveç Kosovës po marrin pjesë edhe Shqipëria, Maqedonia, Serbia, Bosnja dhe Hercegovina dhe Mali i Zi

Ka nisur sot në Sofje të Bullgarisë, Forumi Ekonomik i Vjenës në të cilin Kosova po përfaqësohet nga Kryeministri i Republikës së Kosovës Ramush Haradinaj.

“Forumi Ekonomik i Vjenës, po mbahet nën kryesimin e Bullgarisë e cila udhëheqë edhe me Presidencën Evropiane, dhe në të cilën përveç Kosovës po marrin pjesë edhe Shqipëria, Maqedonia, Serbia, Bosnja dhe Hercegovina dhe Mali i Zi derisa nikoqir i këtij samiti është Boyko Borissov, kryeministër i Bullgarisë”, thuhet në një komunikatë për medie.

Bashkëpunimi Regjional, si pjesë e integrimit Evropian, Realiteti i Ballkanit Perëndimor, pritjet dhe përgjegjësitë, janë temat e këtij forumi.

Forumi Ekonomik i Vjenës sipas komunikatës po shihet si një platformë e mirë për të vendosur bashkëpunim konkret ndërmjet vendeve të Ballkanit Perëndimor.

Në sesionin plenar të këtij forumi, Haradinaj do të shpalosë realitetin ekonomik dhe infrastrukturorë të Kosovës dhe planet dhe pritet e bashkëpunimi mes vendeve të regjionit./21Media

Back to top button