Haradinaj vlerësoi kontributin e SHBA-ve për Kosovën

Haradinaj vlerësoi kontributin e SHBA-ve për Kosovën

Kryeministri i Kosovës, Ramush Haradinaj sot ka takuar ish-senatorin e Shteteve të Bashkuara të Amerikës dhe mikun e madh të shqiptarëve, Bob Dole.

Gjatë takimit, kryeministri Haradinaj vlerësoi lart kontributin e SHBA-ve për Kosovën, po ashtu edhe rolin e çmuar dhe të pazëvendësueshëm të Senatorit Dole në pavarësinë dhe shtetndërtimin e Kosovës.

“Populli dhe institucionet e Kosovës do të jenë gjithmonë mirënjohës për ndihmën e miqve tanë amerikanë për lirinë dhe pavarësinë dhe tani për rrugën e zhvillimit ekonomik të Kosovës”, tha kryeministri Haradinaj në takim me ish Senatorin Dole, bëhet e ditur në komunikatë.

Po ashtu, Haradinaj e njoftoi Senatorin Dole edhe për sukseset dhe vështirësitë e Kosovës në rrugën e integrimeve euroatlantike./21Media