AAK e PSD pa formulë

AAK e PSD pa formulë

Kryetari i Aleancës për Ardhmërinë e Kosovës, Ramush Haradinaj ka thënë se nuk e di se si do të vazhdojë bashkëpunimi me Partinë Socialdemokrate me të cilën ka pasur koalicion parazgjedhor.

Haradinaj në një prononcim për kp ka thënë se si subjekt politik i kanë ofruar bashkëpunim PSD-së, por që ende nuk dihet formula se si do të vazhdohet.

“Ne i kemi ofruar bashkëpunim, por nuk e di në çfarë forme. Tani koalicion parazgjedhor nuk ka se zgjedhjet janë kryer, por nëse PSD ka gatishmëri jemi të interesuar. Nuk e dimë realisht formulën cila do të jetë”, ka deklaruar Haradinaj.

Kujtojmë që në zgjedhjet e parakohshme parlamentare të 6 tetorit Aleanca e Ardhmërisë së Kosovës në koalicion parazgjedhor me Partinë Socialdemokrate u rendit si e katërta në bazë të rezultateve preliminare. Sipas këtyre rezultateve PSD rrezikon të mbetet pa asnjë deputet në legjislaturën e shtatë të Kuvendit të Kosovës.