Lumi tregon se cili ishte sekreti i suksesit të tij

Lumi tregon se cili ishte sekreti i suksesit të tij

Rahman Lumi, një maturant me origjinë shqiptare, por me banim në Greqi, arriti këtë sukses në një nga universitetet më të vështira të Athinës. Ai kryeson listën e fituesve të Fakultetit të Inxhinierisë së Ndërtimit në Politeknikumin e Universitetit Aristotelio të Selanikut. Lumi grumbulloi plot 18.640 pikë.

Studenti me origjinë shqiptare jeton me familjen e tij në Nea Moudania, Halkidiki dhe siç thotë ai, qëllimi i tij është të qëndrojë dhe të punojë në Greqi pasi të përfundojë studimet, ndryshe nga shumica e të rinjve të vendit që kërkojnë mundësi profesionale jashtë vendit.

Rahman Lumi kishte parashkruar të ardhmen e tij që në provimet Pan-Helenike 2019, ku mori një 20-she të pastër në Fizikë dhe Matematikë, 18.7 në Kimi dhe 14.5 në Letërsinë Greke Moderne.

Siç thotë Rahmani në faqen e internetit lokale thestival.gr, “Ishte një vit i vështirë për të fituar një garë, por në fund ishte shpërblyese”. Në të njëjtën kohë, ai thotë se mezi pret të jetojë jetën studentore, për të cilën thotë se është “një ëndërr për çdo student”.

“Unë jam duke menduar për një diplomë pasuniversitare jashtë vendit. Por në fund unë do të doja të kthehem dhe të punoj këtu”, nënvizon ai, duke pyetur veten “E gjithë bota po vjen në Greqi, a do të largohemi?

Rahmani shton se një nga sekretet e suksesit të tij në provimet pan-helenike ka qenë eliminimi i stresit, sado e vështirë të duket.

“Gjendja psikologjike është 70% e suksesit”, thotë ai.